Go’aamo dhaxal gal ah oo ka soo baxay shir-weynihii 27.11.05, magaalada Helsinki, Dalka Finland ee ay isugu yimaadeen Jaaliyada (Ogaden Community Assosiation in Finlad O.C.A) Ururka bulshada reer Ogaadeeniya ee Finland oo matala dhamaan soomaalida reer Ogaadeeniya.
Shalay 27.11.2005 saacadu Markey aheyd 11:00 - 18:00 magaalada Helsinki ee dalka Finland waxaa ka dhacay shir weyne ay isugu yimaadeen bulshada jaaliyada reer Ogaadeeniya ee ku nool dalka Finland.
Shirkaas waxaa ka soo qeyb-galay dad cadoodku kor u dhaafay ilaa 200 oo ruux oo iskugu jirey Odayaal, Culiima-Udiin, Aqoon-yahan, Hooyooyin, Dhalinyaro, caruur iyadoon rag iyo dumar aan loo kala hadhin.
Shirkaas balaadhan ula-jeedadooyinkiisa waxaa ka mida ahaa:
1. in bulshada jaaliyadu kulanto inta aan is aqoonina ay is bartaan
2. In laga wada hadlo sidii loo sii xoojin lahaa isku xirnaanta iyo midnimada jaaliyada iyo
3. In laga wada hadlo sidii kor loogu sii qaadi lahaa waxqabadka jaaliyada dhinac kasta
4. In laga wada hadlo xaalada qalafsan ee maanta ka taagan geeska Afrika, qaasatan Ogaadeeniya, bulshada jaaliyadana lala socodsiiyo wararkii ugu dambeeyey ee xaalka Ogaadeeniya iyadoo wareysi khadka telefoonka lagu wareystey Odoyaasha reer Ogaadeeniya ee Gudaha Ogaadeeniya iyo xubno sare oo ka tirsan xornimo raadiska Ogaadeeniya ee jabhada O.N.L.F
5. Waxaa intaas wehiliyey wada hadal qiimo badan iyo doodo laga yeeshay adkeynta xiriirka jaaliyada, wax wada qabsiga jaaliyada iyo bulshadeeda iyo sidii si nabad-galyo leh loogu noolaan lahaa, waxna looga qabsan lahaa qurbaha iyo wadanka lagu noolyahay.
6- Waxaa kale oo shirweynaha lagu soo qaaday dhibkii ka dhacay Ogaadeeniya iyo dadkii Q/Dahare lagu xasuuqay, kuwii hatidooda lagu gubay, kuwii fool-jeex hantidooda lagu qubay iyo guud ahaan dhibka maanta ka taagan Ogaadeeniya oo sii badanaya iyo sidii xal nabadeed loogu heli lahaa.
Jaaliyada reer Ogaadeeniya ee Finland iyadoo ku hadlaysa codka shacabkeeda:
Waxay shirkaas ka soo saartey go’aamada soo socda.
Jaaliyadu waxay si buuxda u garab taagantahay shacabkeeda iyo dareenkiisa dhinac kasta, sida nabad ugu noolshaha iyo ka faa’iideysiga wadanka lagu noolyahay shaqo, waxbarasho iyo dadaal kale intaba, horumarinta iyo mideynta bulshada jaaliyada, la shaqeynta iyo xoojinta xiriirka bulshada iyo jaaliyadaha soomaaliyeed iyo kuwa reer Ogaadeeniya gudaha iyo dibeda.
Kadib markii qiimeyn jaaliyadu ku sameysay xaalka Ogaadeeniya ee maanta isla markaasna ay dhageysatay codkii duqeyda reer Ogaadeeniya ee gudaha iyo kii madaxda sare ee xornimo raadiska Ogaadeeniya jabhada O.N.L.F waxay taageereysaa codka shacabka Ogaadeeniya hiili yo hooba, jaaliyadu waxay taageereysaa in nabad loogu dhameeyo dhibka iyo colaada dhulka Ogaadeeniya iyo in wada hadal lagu dhameeyo colaada jirta, laba xoog O.N.L.F iyo Dowlada Tigreeguna ay ku dadaalaan in colaadaas wadahadal nabadeed lagu dhameeyo. dadka reer Ogaadeeniyana loo ogolaada in ay ku noolaadaan cabsi la’aan iyo si dimuqraati ah.
Arinta xasuuqii Q/Dahare, dadka la gumaaday, guryaha iyo hantida la gubay, arinta Fool-jeex guryaha iyo hantida la gubay dadka bara kacay iyo kacdoonka cusub ee ka taagan dhulka Ogaadeeniya jaaliyadu waxay cambaareyneysaa cida arintaas masuulka ka ah, falkaas foosha xuna ku kacay oo ah maamulka Tigreega Itoobiya iyo Ogaadeeniya. Jaaliyadu falkaas foosha xun waxay ku tilmaameysaa mid xadka bini-aadamnimada ka baxsan, kana fog xuquuqul isnaanka kana soo horjeeda dadaalka loogu jiro in si nabad ah xal loogu raadiyo colaada Ogaadeeniya.
Ugu dambeyn jaaliyadu waxay tacsi u soo gudbineysaa dhamaan umada reer Ogaadeeniya gumaadkii loo geystay dadkooda awgiis. Waxaa kale oo salaan iyo mahad celin mudan dhamaan intii ka soo qeyb-qaadatay shir-weynahaas iyo intii soo abaabushay, shirku wuxuu u dhacay si aad u wanaagsan aad ayeyna dadkii goobta joogay ugu bogeen nidaamka, kala dambeynta, anshaxa iyo maamul wanaaga shirka.
Maamulka Jaaliya O.C.A in Finland
oca@ogaden.f
Publish Date: 11/29/2005
Last Updated: 12/7/2005
Source: Somaliwide +
More News under this Heading
|
